24.11.12

Artur e Clementina

O Día Internacional da Violencia contra as mulleres, ten un difícil tratamento dentro da escola Primaria dado o doloroso do tema. Sin embargo, sabemos que é preciso educar en valores desde as idades máis temperás para que nenos e nenas non rematen vendo coma "normais" cousas que non o son.

Este ano veu na nosa axuda a editorial Kalandraka coa edición en galego dun libro que xa é un clásico dentro da literatura infantil Artur e Clementina.  Porque os grandes escritores teñen esta virtude: dicir con palabras sinxelas grandes cousas, de maneira que calquera poida entender. E nesta ocasión Adela Turín reivindica o rol feminino na sociedade, combate os estereotipos sexistas e denuncia a discriminación. Porque aínda se necesitan obras sobre coeducación e igualdade. E ten final feliz!

O libro foi escrito hai máis de trinta anos e en España publicouno a xa desaparecida Editorial Lumen na colección A favor de ls niñas e, desgraciadamente, hoxe o texto conserva toda a súa frescura e actualidade.

DESCARGA AQUI a proposta de actividades para o luns 26.
A presentación é da Unitaria de Vide

Ningún comentario: